A definición do modelo de implantación recolle as liñas de actuación, proxectos e actividades que se van realizar xunto coas necesidades de financiamento interno e externo.

Para iso realízanse as seguintes actividades:

• Configuración de liñas estratéxicas e determinación de programas ou proxectos clave, de forma participada entre os principais axentes con competencias no desenvolvemento de actuacións a longo prazo.
• Estimacións orzamentarias dos custos asociados ás iniciativas expostas, de modo que sexa posible ter unha previsión dos investimentos necesarios por parte da Administración pública así como de players privados involucrados, permitindo prever a viabilidade de cada unha das actuacións e valorando a súa relación custo-beneficio.
• Identificación de posibles fontes a través das cales se poida obter financiamento para a realización das actuacións da ADL.
• Coñecemento dos diversos modelos de colaboración público-privada, de modo que permita obter o máximo beneficio posible para a poboación, minimizando o investimento público necesario.

Categorización e clasificación de iniciativas segundo a súa tipoloxía:

• Establecemento dunha planificación das iniciativas que se van executar que inclúa un cronograma estimado para o desenvolvemento de cada unha xunto cos principais fitos, recursos que hai que utilizar e orzamento.
• Definición das pautas que cómpre seguir polos municipios que se atopen nun proceso de dixitalización.
• Definición do modelo de seguimento global da ADL e individual das medidas e proxectos a todos os niveis, para a avaliación permanente do impacto do plan e a dinamización, impulso e apoio técnico aos axentes responsables da execución dos proxectos definidos.