A Dirección Xeral de Administración Local é o órgano encargado da xestión das competencias que se lle atribúen á Comunidade Autónoma de Galicia no que respecta ao fomento de liñas de colaboración coas entidades locais galegas, no referente á convocatoria e á execución de liñas de subvención destinadas a elas. Consecuentemente, encárgase da proposición e xestión de programas conxuntos coas corporacións locais no ámbito propio das competencias que lle correspondan á Consellería de Presidencia, Administracións Públicas e Xustiza, incluíndo a coordinación de propostas que procedan en canto ás convocatorias, selección e adxudicación das subvencións, axudas que se destinan ás entidades locais galegas, facendo un seguimento da súa xustificación.

Á Dirección Xeral de Administración Local correspóndelle tamén o fomento das liñas de colaboración con entidades locais galegas no referente a: impulso e xestión de programas con financiamento da Unión Europea e de cooperación transfronteiriza, a análise da normativa da comunidade autónoma relacionada coas entidades locais, a incorporación de novas tecnoloxías, así como o asesoramento con carácter xeral das competencias propias desta Dirección Xeral.

Competencias no proxecto

A Dirección Xeral de Administración Local participa en todas as accións do proxecto e, en particular, coordina as seguintes actividades:

• Elaboración da ADL mediante un modelo sistémico participativo e adaptable, compartindo a coordinación coa AMTEGA.
• Definición de directrices para a modernización da Administración local.
• Xestión e coordinación, como beneficiario principal do proxecto.
• Comunicación, coordinando todas as actividades de difusión do proxecto no seu conxunto.