A Axencia para a Modernización Tecnolóxica de Galicia (AMTEGA), adscrita á Presidencia da Xunta de Galicia, ten como obxectivos básicos a definición, o desenvolvemento e a execución dos instrumentos da política da Xunta de Galicia no campo das tecnoloxías da información e a comunicación e a innovación e desenvolvemento tecnolóxico.

A AMTEGA será o instrumento estratéxico e executivo para impulsar a modernización da Administración pública así como o desenvolvemento económico e social de Galicia.

Competencias no proxecto

A AMTEGA participa en todas as actividades do proxecto, aínda que ten un papel destacado nas seguintes:

• Definición de parámetros que se van analizar e indicadores, xa que, xunto coa CCDRN, coordinará as accións desta actividade, principalmente, o informe TIC nas cidades da Eurorrexión.
• Elaboración da ADL mediante un modelo sistémico, participativo e adaptable, que coordinará xunto coa Dirección Xeral de Administración Local.