Proxecto 22@Urban Lab

Ámbito:

Barcelona

Descrición:

Un dos obxectivos do proxecto 22@Barcelona é consolidar o papel de Barcelona como cidade innovadora. Neste marco, unha liña de acción concreta é potenciar a utilización da cidade como laboratorio urbano, co proxecto 22@Urban Lab, que erixe o distrito 22@Barcelona como espazo de ensaio de solucións innovadoras para empresas que desexen implantar probas en calquera ámbito: urbanismo, educación, mobilidade etc.

Un laboratorio de ensaios urbano (ou urban lab) debe ser un espazo de probas para acoller:

Produtos que teñan unha implicación directa no funcionamento da cidade ou nos servizos que proporciona o Concello.
Proxectos que acheguen beneficios a cidadáns e que solucionen necesidades non resoltas.
Proxectos aliñados cos obxectivos, prioridades e liñas de actuación do Concello.

Pilotos destacados:

Implantación de doce puntos de iluminación exterior pública Eco Dixital con tecnoloxía LED. Estes puntos contarán con sensores de presenza, vibración, temperatura, antenas GSM, cámara web etc.
Piloto de lectura telemática de contadores de gas, luz e auga de máis de 150 vivendas. O sistema pode obter os datos de consumo de forma instantánea e transmitilas a unha sede central, evitando así as estimacións no consumo e as lecturas in situ.
Proxecto de mobilidade sustentable. Despregamento da infraestrutura de recarga de vehículos eléctricos e dúas motos da Garda Urbana de propulsión eléctrica.
Cámaras de control de tráfico conectadas por fibra óptica coa central de vía pública para vixiar en tempo real o tráfico.
Fibra óptica nas vivendas. Este piloto quere facer chegar ao interior das vivendas de Poblenou unha rede de fibra óptica (FTTH) para multiplicar o largo de banda que pode dar o cableado de cobre tradicional.
Semáforos adaptados para invidentes en todos os cruces do 22@Barcelona.
Varios tipos de carrís para bicicletas foron testados no distrito 22@ con obxecto de detectar cal dos pilotos contribuía a unha mellor circulación e seguridade dos ciclistas.

Principais obxectivos:

Fomentar a innovación empresarial desde o 22@Barcelona.
Permitirlles ás empresas que proben os seus proxectos innovadores nun espazo real para que, se demostran o seu valor, poidan posteriormente comercializalos a grande escala en Barcelona ou noutras cidades do mundo.
Aprender e crear novos produtos ou servizos que poidan achegar melloras aos cidadáns de Barcelona.

Principais axentes:

Concello de Barcelona

Máis información:

Páxina web do proxecto

Valoración