Centro Demostrador TIC de Galicia

Galicia

Constitúe un punto de encontro entre a oferta do sector tecnolóxico de Galicia e a demanda tecnolóxica do tecido empresarial galego. É o Escaparate Tecnolóxico de Galicia e, por tanto, unha referencia no impulso e a difusión do uso do TIC nos sectores produtivos galegos, a través principalmente da asesoría e capacitación e formación tecnolóxica.

O seu obxectivo é achegar os produtos e servizos do sector TIC de Galicia ás empresas da nosa comunidade co fin de satisfacer as súas necesidades tecnolóxicas e incidir nunha mellora en ter de produtividade e competitividade.

No CDTIC desenvólvense distintos tipos de actividades que poden estar promovidas tanto pola Xunta de Galicia como por calquera entidade ou colectivo externo.

As actividades ofrecidas por este centro son:

• Sesións Demostradoras, que teñen como obxectivo principal mostrar, de maneira práctica, produtos ou servizos TIC ás empresas asistentes.
• Encontros TIC, que teñen como obxectivo principal proporcionar un punto de encontro que dea lugar a foros, relatorios e debates ao redor dun sector empresarial ou un temática TIC concreta.
• Talleres/Seminarios de Formación, que teñen como obxectivo principal capacitar ás empresas asistentes.

Modelo de colaboración:

Desde a súa posta en marcha, foron presentadas máis de 20 solucións tecnolóxicas e contouse coa participación nas actividades do centro de máis de 250 profesionais.

No marco desta iniciativa creouse un portal web onde ademais de estar dispoñible toda a actualidade do CDTIC, pódese acceder ao Mapa de Capacidades Tecnolóxicas de Galicia (MapaTIC.gal): un directorio en liña completo e categorizado de provedores, produtos e servizos TIC galegos facilmente localizables a través de criterios de busca intelixentes e precisos. A día de hoxe, xa conta con máis de 160 provedores tecnolóxicos e case 370 solucións.