Agenda Dixital 2015

Portugal

Lanzado en 2005, o Plan Tecnolóxico de Portugal é unha idea política, unha axenda de mobilización e un compromiso de acción que permite combinar de forma activa medidas promotoras de coñecemento, de tecnoloxía e de innovación, mellorando a capacidade competitiva da economía portuguesa nun marco de forte presión para a reestruturación, resultante da vontade política do Goberno portugués.

A Axenda Dixital 2015 é un programa de acción incluído no Plan Tecnolóxico de Portugal que traduce unha aposta determinada na mellora de servizos prestados a persoas e a axentes económicos utilizando o potencial de redes de nova xeración e co apoio a empresas e consorcios empresariais para a súa internacionalización, a través da exportación de bens e servizos desenvolvidos. O obxectivo do plan é a converxencia coa media europea nos indicadores de capacidade de innovación e pasar a ter unha balanza tecnolóxica positiva.

Esta aposta está focalizada en cinco áreas de intervención prioritarias:

1. Redes de nova xeración
   

Instalación dunha rede de telecomunicacións de ámbito nacional, con elevadas capacidades de transmisión e de banda larga dispoñible, que potencie a aparición de servizos de alto valor engadido para cidadáns e empresas.

2. Mellor goberno

Garantir o acceso de cidadáns e empresas a mellores servizos públicos, complementando o elevado nivel de dispoñibilidade en liña xa alcanzado.

Identificación e promoción de solucións con impacto na sociedade portuguesa e con elevado potencial de exportación

3. Educación de excelencia

Crear plataformas que motiven os diferentes actores da comunidade educativa a implementar prácticas que potencien o uso de ferramentas TIC no contexto do ensino e aprendizaxe e dinamicen o mercado de contidos en lingua portuguesa.

4. Saúde de proximidade

Desenvolver e implementar plataformas intelixentes que optimicen a prestación de coidados  de saúde de proximidade, xerando solucións exportables a outros mercados. Asegurar que a información de saúde do cidadán está dispoñible, para este e para o profesional da saúde que lle preste servizos, de forma adecuada e segura, no lugar e instante en que sexa necesario.

5. Mobilidade intelixente

Desenvolver solucións tecnolóxicas de mobilidade e soporte á mobilidade intelixente e á optimización enerxética, cunha forte incorporación tecnolóxica nacional, tendo como base as competencias nacionais en tecnoloxías de información, en redes intelixentes (Smart grids) e no coñecemento sobre as tecnoloxías asociadas á mobilidade eléctrica, xerando clústers para a exportación que funcionarán en forte conexión cos polos de competitividade e cos clústers industriais xa existentes en fase de adaptación aos novos programas.

 

 

Páxina web do proxecto